முதலமைச்சர் ஸ்டாலின் முதலீடு ஈர்க்க வெளிநாடு செல்ல வேண்டாம் தங்களின் நாடாளுமன்ற உறுப்பினர்கள் முதலீட்டை தமிழ்நாட்டில் கொண்டு வந்தாலே போதும் ஜெகத்ரட்சகன்

 

முதலமைச்சர் ஸ்டாலின் முதலீடு ஈர்க்க வெளிநாடு செல்ல வேண்டாம் தங்களின் நாடாளுமன்ற உறுப்பினர்கள் முதலீட்டை தமிழ்நாட்டில் கொண்டு வந்தாலே போதும் ஜெகத்ரட்சகன் அமலாக்குத்துறை 908 கோடி அபதாரம் விதித்தற்கு உரிய விளக்கத்தை முதலமைச்சர் தர வேண்டும்

போக்குவரத்து துறையில் புதிய திட்டங்களை முதலமைச்சர் தொடங்க வைக்க வேண்டும் ஆனால் உதயநிதியை  கொடியசைத்து துவக்கி வைத்திருப்பது மரபை மீறிய செயல் சட்டமன்ற எதிர்க்கட்சிணை தலைவர் ஆர்.பி உதயகுமார் கடும் தாக்கு

மதுரை புறநகர் மேற்கு மாவட்ட கழகத்தின் சார்பில், திருமகங்கலம் நகர் கழகத்தின் சார்பில் உறுப்பினர் அடையாள அட்டை வழங்கும் நிகழ்ச்சி திருமங்கலத்தில் நடைபெற்றது இதற்கு திருமங்கலம் நகர செயலாளர் ஜெ.டி. விஜயன் தலைமை தாங்கினார். உறுப்பினர் அடையாள அட்டையை சட்டமன்ற எதிர்க்கட்சித் துணைத் தலைவர் ஆர். பி.உதயகுமார் வழங்கினர்.

இந்த நிகழ்ச்சியில் முன்னாள் சட்டமன்ற உறுப்பினர்கள் மகேந்திரன்,மாணிக்கம், மாநில நிர்வாகிகள் வெற்றிவேல் ,ஜான் மகேந்திரன்  புளியங்குளம் ராமகிருஷ்ணன், ஒன்றிய கழகச் செயலாளர்கள் அன்பழகன், கண்ணன் ,பிரபு ,மாவட்ட அணி நிர்வாகிகள் சதீஷ் சண்முகம், சரவண பாண்டி, சிவசக்தி,சிங்கராஜ பாண்டியன், பாஸ்கரன், யூனியன் சேர்மன் லதா ஜெகன் மற்றும் வக்கீல் முத்துராஜா, நேதாஜி, முகேஷ், ராஜா உசேன், அங்கு பால், நாகேந்திரன், தங்கம், மாயக்கண்ணன் உட்பட பலர் கலந்து கொண்டனர்.

ஆர் பி உதயகுமார் பேசியதாவது;

கடந்த 10 ஆண்டுகளில் அம்மாவின் ஆட்சியில் திருமங்கலம் நகராட்சிக்கு எண்ணற்ற திட்டங்களை கொடுத்துள்ளோம் ,ஆனால் இன்றைக்கு கடந்த மூன்று ஆண்டுகளில் எந்த திட்டமும் செய்யப்படவில்லை .

திருமங்கலம் நகராட்சியில் கழிவுநீர் சாலையில் ஓடுகிறது புகார் கொடுத்தும் எந்த நடவடிக்கை இல்லை, இன்றைக்கு திருமங்கலம் நகராட்சியில் உள்ள திமுகவைச் சேர்ந்த சேர்மன், உறுப்பினர்கள்  வீடு கட்ட கமிஷனாக அதிகம் கேட்கின்றார்கள் என்று மக்கள் ரத்தக்கண்ணீர் வடிக்கிறார்கள்.

கடந்த ஐந்து ஆண்டுகளில் நான் இந்தப் பகுதியில் அமைச்சராக இருந்து பல்வேறு திட்டங்களை கொண்டு வந்து உள்ளேன். எந்த வளர்ச்சிப் பணிகளுக்கும் இங்கு உள்ள நிர்வாகிகள் பைசா கூட கமிஷனாக பெறவில்லை என்பதை நான் எந்த மேடையில் சொல்ல தயாராக இருக்கின்றேன்.

இன்றைக்கு சட்டமன்றத் தேர்தலில் ஜெயித்த நாங்கள் சேவை நோக்கத்துடன் பணியாற்றுகிறோம், தோற்றவர்கள் அல்ட்ரா சிட்டி தாங்கமுடியவில்லை அந்த அளவுக்கு செய்கின்றனர் .நாங்கள் செய்த திட்டங்களைத் தான் இன்றைக்கு ரிப்பன் வெட்டி திறக்கிறார்கள்,

கடந்த  எடப்பாடியார் ஆட்சி காலத்தில் புதிய பேருந்து நிலையத்திற்கு அடிக்கல் நாட்டப்பட்டது, ஆனால் இன்றைக்கு பழைய பேருந்து நிலையத்தையே ஷாப்பிங் காம்ப்ளக்ஸாக மாற்ற முயற்சிப்பது நியாயமா ?மக்கள் எல்லாம் சாலையில் தான் நிற்கிறார்கள் அதுக்காகத்தான் மாற்றம் செய்தோம். தற்போது மூன்று ஆண்டுகள் எந்த பணியும் செய்யவில்லை அமைச்சர் நேருவுடன் இது குறித்து கேட்டபோது வரும் என்று சொன்னார்.

வரும் தேர்தலில் இதெல்லாம் நீங்கள் ஒப்பிட்டு பார்த்து வாக்களிக்க வேண்டும்.

முதலமைச்சர் அமெரிக்கா செல்ல விமான நிலையம் சென்ற அப்போது விமானத்தில் வெடிகுண்டு இருப்பதாக புரளியை பரப்பி விட்டனர் அதனை தொடர்ந்து சோதனை எல்லாம் முடிந்து நேற்று அமெரிக்க சென்ற நிலையில், இன்றைக்கு அவரது கட்சி சேர்ந்த நாடாளுமன்ற உறுப்பினர் ஜெகத்ரட்சகனுக்கு

அமுலாகத்துறை 908 கோடி அபதாரம் விதித்துள்ளது. அபதாரமே இவ்வளவு என்றால் ,அவருக்கு சொத்து எத்தனை கோடி இருக்கும் என்பதை ஒப்பிட்டு பார்க்க வேண்டும்.

இன்றைக்கு முதலமைச்சர் அமெரிக்கா, துபாய் ,கலிபோர்னியா, சிக்காகோ  சிலிக்கான் போன்ற நாடுகளுக்கு முதலீட்டை ஈர்க்க செல்கிறார் ,இனிமேல் அங்கு செல்ல வேண்டாம் தி.மு.க நாடாளுமன்ற உறுப்பினர்கள் முதலீட்டு செய்த பணத்தை தமிழ்நாட்டில் முதலீடு செய்தாலே போதும் அதற்கு ஜெயித்தரட்சகன் செய்தி ஒரு சான்று.

ஒரு திரைப்படத்தில் ஹீரோ 3 மணி நேரத்தில் குழந்தையாக பிறந்து பள்ளியில் படித்து, கல்லூரியில் படித்து, கம்பெனி முதலாளியாக  இருந்து அதனை தொடர்ந்து வில்லனை வீழ்த்தி ஜெயிப்பார். ஆனால் இன்றைக்கு மூன்று ஆண்டுகளில் சட்டமன்ற உறுப்பினர், ,அமைச்சர் ,அதனை தொடர்ந்து துணை முதலமைச்சர், அதற்குப்பின் முதலமைச்சர் இன்றைக்கு ஒரு ஜனநாயகத்தை மன்னராட்சியை மலரச் செய்துள்ளனர் .இதே கடந்த அம்மா ஆட்சியில் அன்பின் பொய்யாமொழி சட்டமன்றத்தில் பேசியபோது, மாடமாளிகையில் இருந்து கைதட்டி வேடிக்கை பார்த்தவர் தான் உதயநிதி இன்றைக்கு தமிழ்நாட்டை காக்க வந்த அவதார புருஷன் போல திமுகவின் பேசி வருகிறார்கள்.