சோழவந்தான் அருகே கர்நாடக வாலிபர் மர்மமான முறையில் மரணம் போலீசார் விசாரணை

 

சோழவந்தான் அருகே கர்நாடக வாலிபர் மர்மமான முறையில் மரணம் போலீசார் விசாரணை.

மதுரை சோழவந்தான் அருகே திருவாலவாயநல்லூர் பிரிவு மதுரை திண்டுக்கல் தேசிய நெடுஞ்சாலை அருகில்  மர்மமான முறையில் ஒருவர் இறந்து கிடப்பதாக  சோழவந்தான் போலீசாருக்கு தகவல் கிடைத்தது. இதன் பேரில் சோழவந்தான் சப் இன்ஸ்பெக்டர் முருகேசன் தலைமையில் போலீசார் சம்பவ இடத்திற்கு சென்று இறந்து கிடந்த வாலிபர் குறித்து விசாரணைசெய்த போது இறந்து கிடந்த வாலிபர் கர்நாடக மாநிலம் ஆசன் மாவட்டத்தைச் சேர்ந்த ரேவண்ணா மகன் தேவராஜா வயது 32 என்று தெரியவந்தது.

இறந்தகிடந்த வாலிபர் சிறு சிறு காயங்கள் மற்றும் சிராய்ப்புகளுடன் இறந்து உள்ளார். இவர் குடிபோதையில் வந்து இறந்துள்ளாரா, இல்லை யாரும் இவரை தாக்கி இறந்துள்ளாரா, வேறெங்கும் கொலை செய்து இங்கு வந்து போட்டு சென்று உள்ளனரா என போலீசார் பல கோணத்தில் விசாரணை செய்து வருகின்றனர். போலீசார் பிணத்தை கைப்பற்றி உடல் கூறு ஆய்வுக்காக அரசு ஆஸ்பத்திரிக்கு அனுப்பி  மேலும்விசாரணை செய்து வருகின்றனர்.